Brudebukett med Memory Lane roser

Denne brudebuketten er handbunden, kun med Memory Lane roser, litt blonde og nokre få perler.

Brura ynskte ein heilt enkel bukett, med berre roser.

Blonde rundt stilkane, utgjer skaftet på buketten, festa med perler.

Som borddekorasjon, vart det sett mange små vasar på bordet med Memory Lane roser i.

Enkelt og lekkert.

©

Det vakre brudeparet! 

Årets bryllups-sesong er her allerede, skal du gifte deg i sommar, og ynskjer at Blomsterverkstaden skal hjelpa deg med blomster til ditt bryllup, ta gjerne kontakt :) Sjå og inspirasjonsbilder i andre bryllupsinnlegg her på bloggen,  i bryllupsalbum i butikken i Smedbrekka eller på heimesida www.blomsterverkstaden.no 

Bilete av brudeparet er teke av Jannike Steindal Nordanger.

Ynskjer alle ein fin kveld!

Ingvill

Påskestemning?

Det kan du få hjå meg! 

Deilig med påske, mange har allerede tatt påskeferie:)  Blomsterverkstaden har ope til 18.00 imorgon tirsdag og det same onsdag. Har godt utval i blomsterarbeid til påske, både inne og uteplantar. Vintergrønne, Buksbom, Rhododendron og eindel stauder er på plass. Stemorsfiolar i mange forskjelllige fargar, får du 5 for 100,-  :)

 

 

 

Dekorasjon i kvitt og gult, med fjøyr :)

 

Bjørkehjarte, laga på bestilling, med påskedekor.

 

Sjølv om løken ikkje har jord, held den seg fin lenge.

 

Nye lysglas, med knalltøft insektsmotiv 39,-

 

Lekre kvite Campanula i glasspotte med herlig kylling oppi.

 

Enkle fine kvite stettpotter med påskeliljer og vaktelegg.

 

Ildtopp med kylling oppi reir :)

 

Veldig stilige hanar, belagt med gammalt avispapir 99,-

 

Lekre gamaldagse potter med krakelering og gule roser på. Med Minicalandiva i.

 

Tøffe kvisthøner, med Ildtopp inni, fjøyr på stjerten :)

 

:)

 

Påskeblomstrane treng ikkje alltid vere gule, lekkert med kvit Calandiva i perlemorspotte, med stilige fjøyr og sølvstreng.

 

Gule roser med herlig duft til påske? 10 stk 129,-

 

Gule Fresia med duft som berre Fresia har...

 

Veldig fine, fylte gule tulipanar! 20 stk 129,-

 

Gule potteroser 79,-

 

 

Ope denne veka:

Tirsdag og onsdag 10-18

Lørdag 10-15

MEN!

Blir det so fint ver som det kan vere tale om, og lysten til hagearbeid skulle verte kasta på deg, skal eg arbeide i uteavdelinga både torsdag og fredag, så muligheten for å få kjøpe seg både thujahekk og jordbærplantar er svært god :) Og sjølvsagt alle andre slags varer eg har.

 

Blomsterhelsingar vert levert i heile Radøy, blomster kan bestillast på 56370200 eller på post@blomsterverkstaden.no

 

 

Eg ynskjer riktig GOD PÅSKE,

og ynskjer alle hjarteleg velkommen i Smedbrekka 10.

 

 

Ingvill

 

Borddekorasjon i burgunder til 30-årsdag!

 

For kort tid sidan fylte ein av mine nære venninner 30 år,

(eller tjue-ti, som ho seier sjølv).

Dette skulle feirast i festleg lag, og ho ville gjerne ha blomster på borda. Ho ville i utgangspunktet ha "svarte" blomster, altså så djupt raude/lilla som det går an, då blir de ganske "svarte". Vanlegvis ville eg då ha brukt Callaen "Swartzvalder", men då ville me ha måtta firedobla budsjettet denne gongen, og det var ikkje aktuelt.

 

 

I staden gav ho meg frie tøylar når det gjaldt dekorasjonane, og eg valde då å bruke så mørk raude/burgunder blomster som mulig.

 

 

Valet fall på burgunder Chrysanthemum, burgunder Ranunkel og mørk raude Cymbidium-orkidear.

 

På nært hald er Ranunkelen nesten svart :)

 

Brukte tradisjonelle borddekorasjonsunderlag, men laga dekorasjonane på utradisjonell måte. Dvs, eg har ikkje brukt noko form for grønt i dekorasjonen, men dekka all oasis med blomstrane.

 

På kvart langbord vart det sett 2 dekorasjonar, og bordet vart dekorert med Cymbidium-orkidear og Ranunkel i glass, mellom og på sidene. Og nokre Chrysantemum hovuder blei lagt rett på bordet.

 

Eg har dessverre ikkje bilde av korleis de såg ut på bordet, med oppdekking det heile, det er så utrulig mørkt i lokalet at det blei ikkje godt nok.

 

Blomsterverkstaden lagar borddekorasjonar til alle anledningar, no nærmar det seg konfirmasjonstid, og ynskjer du at Blomsterverkstaden skal hjelpa deg med borddekorasjonane, nøl ikkje med å ta kontakt :)  Sjå og heimesida

www.blomsterverkstaden.no

for fleire eksempel på borddkorasjon. 

 

 

Ha ein fin kveld :)

 

Ingvill

 

 

Distriktsmesterskap i blomsterdekorering 2014

 

Lørdag den 29. mars vart årets distriktsmesterskap i blomsterdekorering avholdt på Oasen-senteret i Fyllingsdalen! Eit år sidan sist, så det er kjekt å møte "blomsterfolk", og verte inspirert. I år var det veldig mange deltakara med, heile 16 i A-klassen og 10 i B-klassen. A-klassen er for dei med fagbrev som blomsterdekoratør eller meir enn 4 års erfaring, og B-klassen for lærlingar eller dei med mindre enn 4 års erfaring.

 

Denne gongen enda det med delt  3. plass og bronsemedalje for min del, veeeldig kjekt! :)

 

 

 

Denne gongen var det eit såkalla "Her&Nå" mesterskap, dvs at me får oppgåvene to dagar i forveien, kan ikkje forbereda noko fysisk, og stilla på konkurransedagen med verktøyskoffert. Me fekk oppgåvene torsdag 27.3:

Oppg 1: Blomstersmykke til krage/hals

Oppg 2: Borddekorasjon

Så var det til å tenkje ut noko lurt då :)

 

Varebehandling pågår før konkurransestart.

 

Me fkk utdelt mange forskjellige gule, rosa og nokre oransje blomster i tillegg til grønt.

 

Halvvegs med blomstersmykke. Me fekk halvannan time på kvar av oppgåvene, og sjølv om det er greitt med tid, skulle ein alltid hatt nokre minuttar meir enn det ein har :)

 

Oppgåve 2 igang, me fekk utdelt ein sokalla "TableDeco" I oppgåveteksten står det at den MÅ benyttast. Fredag før konkurransen, når eg idemyldra på telefonen med Ailin, kom eg fram til at eg ville lage ein høg dekorasjon. Ailin stiller kristiske spørsmål til ideane undervegs, og sånn dannar ein seg eit bilde av korleis det skal sjå ut. Detaljane og korleis det vert løyst, blir til i konkurransetida, det er med ein gong annleis når ein får materiala i hendene.

 

Greinene ein fekk utdelt, heiter Salix "Golden Curls" Nesten som vrihassel men ein annan tresort, mykje meir "medgjørlig".

 

Nærbilete av de gule nellikane, herlig farge.

 

Det er alltid slik etter ein konkurranse, at ein ser kva ein skulle ha gjort annleis, ikkje minst får ein høra det av dommarane. Det er jo og heile poenget med konkurranse: Ein skal lære noko nytt! Bli inspirert!

 

Så skulle eg gjort det om igjen, hadde eg redusert bruken av de rosa blomstrane. Men det får eg hugse til neste gong! (Seier det kvart år)

 

 

Nærbilete av den rosa Santinien. Sukk, så fine :)

 

Ventetida var laaaang etter konkurransen, heldigvis hadde eg godt selskap av Ailin som venta ilag med meg © Dommarane skulle gjere seg ferdig med bedømming, så skal tala førast inn, så skal poenga reknast saman, og samanliknast... Men; når ein kan reise heim med bronsemedalje, gjer ikkje litt venting noko :)

 

 

Bilde teke i bilen på veg heim, via Instagram.

 

Stolt, glad, og fornøgd med dagen :)

 

Her kan du lese kva journalisten frå lokalavisa Strilen skreiv:)

 

Ingvill

Imorgon skjer det!

Imorgon lørdag 29. mars vert årets distriktsmesterskap i blomsterdekorering avholdt!

Denne gongen på Oasen senteret i Fyllingsdalen. Konkurransen startar kl 10.00, og det er to oppgåver, som kvar varar i halvannan time. Me fekk oppgåvene igår :)

Oppg 1. Blomstersmykke til krage/hals

Oppg 2. Borddekorasjon

Alle deltagarene kan tenka og planlegga fram til konkurransestart, men ikkje fysisk forbereda noko.

Eg gledar meg mykje, det gjer eg kvart år. Kjekt å treffa "blomsterfolka" og lære noko nytt. For lærerikt, DET er det  :)

Håpar å sjå deg der, om ikkje kan du følgja med på Blomsterverkstaden sin facebook-konto eller på Instagram :) 

Butikken i Smedbrekka på Manger har lørdagsope 10.00-15.00 som vanleg.

Wish me luck!

Ingvill

Kjenner du at det kriblar?

For ein utrulig flott dag det har vert idag! Sååå deilig med sol og blå himmel!

 

Hjå meg boblar det med lyst til å gjere noko i hagen, det er full fres i staudar, løkar og til og med rosene er skuddklare!  I butikken er det fylt opp med uteplantar til gode prisar.

Fleirårig Vårlyng 3 for 100,-

 og minipåskeliljer Tete'a'Tete, 5 for 69,-  :-) 

Dette mosehjarta laga eg rundt morsdag. Tatzetten "Bridal Crown" og Tusenfryd.

 

Perleblomster, Muscari Armeniacum, er ein favoritt i hagen. De står lenge, duftar fantastisk, og formerer seg i akkurat passe tempo. De er også veldig fine å ha inne i ei potte, som alternativ til bukett.

Har både blå og kvite i butikken.

 

Fritellaria Meleagris er også ein favoritt. Dei vert også kalla Ruteliljer, fordi de har eit fint rutemønster i blomsten. Eit anna navn er Vipeegg. Den opprinnelige hagen her er meir enn hundre år gamal, og då eg for 10 år sidan begynte å ta "krattet" i nærare augesyn, vaks desse nesten overalt i hagen. Eg har tatt møysommelig vare på dei eg fann, i tillegg har eg planta mange nye. Dei som har erfaring med liljebiller, eller lakkbiller, knallraude lilje-etande kryp, veit kanskje at Fritellaria er ein favoritt. Nettopp derfor har eg planta mange Fritellaria, for eg har nemlig også mykje liljer. Og fordi Liljebillene går på Fritellarian lenge før liljene viser seg, rekk ein å få bukt med Liljebillene, før de rekk å formere seg så voldsomt, og ete opp de fine liljene :) De er mykje lettare å sjå på Fritellarian, fordi resten av hagen enno ikkje har rukke å verte så fargerik. 

 

Stemorsfiolane er på plass, i mange lekre fargar. Desse toler ned mot fem minusgrader, så de kan fint plantast ute no. Deilig med litt farge på trappa eller inngangspartiet.

 

Bellis, eller Tusenfryd, toler også fint nokre minusgrader. Desse får du glede av leeeeeenge, om du hugsar å knipe av litt visne blomster i ny og ne. Hjå Blomsterverkstaden får du 3 stk for 100,-

 

Krokus er nestan like tidlig som snøklokkene med å stikke nasa opp or jorda, har både gule, kvite og blå. Herlig!

Om hagegleden skulle gripa fat i deg denne veka, har eg ope 10-16.30 Man-tors og til 19.00 på fredag.

Ynskjer alle ei fin veke i sola!

Velkommen i Smedbrekka :)

Ingvill